Vonandi finnst hann sem fyrst.

Það er náttúrulega hrikalega blautt, kalt og mikill vindur núna.  Vonandi finnst viðkomandi sem fyrst því það er auðvelt að verða úti í svona færi.
mbl.is Náðu símasambandi við manninn
Tilkynna um óviðeigandi tengingu við frétt

Verkfall!

Nú talar stjórn Félags leikskólakennara um það að fara í verkfall.   Ég vona bara að viðsemjendur okkar geri sér grein fyrir því hvað það þýðir að leikskólakennarar fari í verkfall.   Þjóðfélagið á eftir að leggjast á hliðina ef fer í það sem stefnir.

Veðrið

Mikið verð ég glöð þegar fer að frysta og snjóa.   Þessi hlýindi sem eru búin að vera í september og október eru hálf freaky.  Nú vil ég bara fá snjó og nóg af honum.


Gordon Brown með lélega leikféttu á kostnað íslendinga

Bullið -

 Gordon Brown er úti að skíti í sínu heimalandi og finnur sér eitthvað gott fórnarlamb til að þurka á sér rassinn.

 Greinilegt er að rétt skilaboð hafa komist í hendur Alistair Darling fjármálaráðherra, - en þeir kjósa að hunsa það og búa til lygavef til að sverta íslendinga.  - Það hentar þeim vel til að beina athygli af þeirri staðreind að þeir eru að klúðra sínu bankakerfi sjálfir og eru með allt niður um sig.

Trúlegt að Gordon Brown hafi ekki "fengið réttar fréttir",  þegar hann svo er strax komin með yfirlýsingar í fjölmiðlun um hörð viðbrögð Geirs Haarde í dag. - Hann hlýtur þá að fylgjast með, og ætti því að vita af því að íslensk stjórnvöld eru búin að gefa út yfirlýsingu um að innistæður í icesave séu varðar með eignum Landsbankans erlendis. Tryggingasjóðurinn taki svo rest ef einhver er.

 Þetta sýnir klárlega að Gordon Brown hlustar á hvað íslensk stjórnvöld eru að segja, en hann velur að snúa útúr og ljúga að almennigi í bretlandi , og öllum í heiminum að íslendingar séu að svíkja og stjórnvöld hér hafi sagt að þau ætli ekki að standa við sínar skuldbindingar.

 Skora á íslenska embættismenn að fletta ofan af þessu og reka ofan í bretana. - Fáum rússagullið  til okkar með rússneskri sprengjuflugvél, - bónum flugvélina og heiðrum flugmennina, - sendum þessum köllum í bretlandi langt nef og hættum að selja þeim fisk, - sendum hann til rússlands í staðinn og þá geta bretarnir borðað sinn blýmengaða fisk úr norðursjónum.

 

 


mbl.is Mjög óvinveitt aðgerð
Tilkynna um óviðeigandi tengingu við frétt

Litli nafninn minn

Þegar ég styn og nöldra í mömmu um það að yngri sonur minn sé ákaflega duglegur og frekur þá dettur hún í nostalgíugírinn og rifjar upp sögur af mér og minni alræmdu frekju og uppátækjasemi.  Já segi ég og man alls ekki eftir því að hafa verið erfitt barn.  Þó ég vissulega hafi verið það.  En það sem ég er líka búin að komast að er það að báðir synir mínir voru og eru ákaflega fjörugir og hressir drengir og það sem kallast mætti óþekkt.  En hér er svo ein staðreynd sem rennur stoðum undir það að ég hafi verið óþekk þegar ég var skósveppur.  Þannig er að ég á syni mína 2 með sitt hvorum manninum og voru feðurinn stilltir og prúðir í sinni barnæsku en ég ekki - ergo - óþekktin kemur frá mér.  Kannski Kári geti notað þetta eitthvað.

 

Annars fékk ég þær fréttir í gær að ég væri á leið til Færeyja að kynna Landsbjörgu á æfingu sem verður haldin þar.  Þetta er bara GEÐVEIKT spennandi.

 


Meira seinna,

 

 

Jú eitt í viðbót.  Stóri strákurinn minn varð 13 ára þann 21. maí

 

og systir hans hefði orðið 14 ára þann 19.mai ef hún hefði lifað.

 

Blessuð sé minning hennar 

images


Fermingar

Unglingurinn á heimilinu á að fermast á næsta ári, svo sem ekkert merkilegt við það nema sú staðreynd að salurinn sem ég ætla að fá lánaðann fyrir ferminguna er að verða upppantaður - vegna ferminga á næsta ári.  Ok . svo ég hringdi í kirkjuna og talaði við prestinn sem kemur til með að ferma hann.  Sá sagði að ekkert væri farið að huga að þessum fermingum.  En ég fékk það upp úr honum að líklega yrðu allavegana pálmasunnudagur og skírdagur í boði.  Þá er bara að vona að salurinn sé laus þá, en það er náttúrulega bagalegt að kirkjan sé ekki búin að skipuleggja svona hluti.

 

 


Hálsbólga. Urr :(

Það er erfitt að vera mörgæs með hálsbólgu.  Ekki er heldur á það bætandi að vera leikskólakennari með hálsbólgu.  Raddlaus leikskólakennari með 21 barn, það bíður bara upp á það að ekki heyrist í manni. 

Annars var ég í prófi áðan - látum liggja á milli hluta hvaða prófi en ég er búin að komast að því að ég er gjörsamlega búin að missa minnishæfileikann eftir að ég eignaðist litlu mörgæsina mína.  Og ekki er á bætandi að vera orðin 36 ára.  Nú er ég orðin það sem krakkarnir kalla konu.  Biddu konuna um að hjálpa þér og svo framvegis.  Mér finnst ég samt ennþá vera stelpa en svona er maður veruleikafirrtur.

 

Seeja


Bora bora bora.

Kallinn búinn að vera síðan á föstudag á Vatnajökli, borandi holur hér og þar, mæla hitt og þetta og gera við allskonar græjur sem eru á jöklinum.  Hefði nú ekki haft neitt á móti því að taka þátt í þessum leiðangri.  Það er bara gaman að þeytast um á snjótroðara í snjó. 

Eina sem er leiðinlegt við að vera upp á jökli er þegar maður þarf að gera númer 1 og sér í lagi er leiðinlegt að gera númer 2.  Strákarnir geta þó veitt slönguna út og látið vaða en við konurnar þurfum alltaf að láta vindana þjóta um afturendann og fleiri staði.

kv m


Hættulegt

Mér var sagt að það væri hættulegt að láta streptókokka óáreitta.  Því ef þeir komast í blóðrásina þá geta þeir gert heilmikinn skaða.  Auðvitað eiga læknar að taka ákvörðun um það hvort eigi að taka strok eða ekki - ekki foreldrarnir. 

Ég er samt sammála því að það er ekki þörf á því að taka strok hjá einkennalausum einstaklingum.  Bæði maðurinn minn og yngri drengurinn hafa 2 sinnum fengið streptó síðan frá áramótum og í bæði skiptin voru þeir orðnir hundlasnir þegar strokið var tekið.  Ekki fór ég samt og lét taka strok því ég var einkennalaus og ég varð ekki lasin. 

Svo er annað mál að þjóðfélagið bíður ekki upp á að vera með veik börn.  10 dagar á foreldri í veikindadaga fyrir börn er náttúrulega alveg fáránlega lítið og dugar engan veginn.  Á síðasta ári þá kláraði ég þessa daga í janúar og allt árið var eftir.  Kannski væri minna um lyfjagjafir ef foreldrar hefðu tíma, getu og velvilja vinnuveitanda til að vera heima meðan börnin væru veik. 

kv m


mbl.is Of sterk viðbrögð við streptókokkasýkingu
Tilkynna um óviðeigandi tengingu við frétt

Er fólk fífl.

Er að pæla í þessu.  Svo eru björgunarsveitirnar sendar til að bjarga.    Eitt að fólkið setji sig sjálft í hættu en þegar búið er að loka veginum og það fer samt þá finnst mér það mjög alvarlegt mál þá er það farið að setja fleiri saklausa borgara í hættu.  Ég vona að það séu einhver viðurlög við svona fíflaskap.
mbl.is Lögðu á lokaða Holtavörðuheiði
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband