Hálsbólga!!!!!

Ef að það er einhver pest sem mér leiðist að fá þá er það hálsbólga. .  Fór á læknavaktina á laugardaginn beið í klukkutíma eftir að komast að.  Sagði lækninum að ég væri örugglega með streptó því restin af famelíunni hefði verið með þá og líka að mér væri svona líka fjári illt í hálsinum.  En nei kom út með lyfseðil fyrir pensilíni vegna kinnholubólgu og að áðurnefndri bólgu gætu fylgt hálssærindi, fjandinn hafi það að þetta var nú nokkuð meira en særindi.  Get svosem ekki kvartað núna Flemoxinið byrjað að virka og hálsbólgan á útleið.

 

Ekki það að það er ekki mikill háls á mörgæsum.

 

kv M

Og enn bíð ég eftir þeim einkaaðilum sem seldu flugelda í samkeppni við Björgunarsveitirnar að

koma nú í slaginn og taka eitthvað af þeim hundruðum útkalla sem eru búin að koma og eiga eftir að koma.

 

Hvar er þetta fólk ?

150 útköll vegna óveðursins

Björgunarsveitir já...

Jæja, - hvar eru nú allir einkaaðilarnir sem voru að selja flugelda og stela bissness frá björgunarsveitunum.

Er ekki bara málið að hringja í Gullborg og Einar áttavilta,  eða jú  Örn Árna, - og fá landkrúserana lánaða hjá þeim. - Ekki er víst að þeir sjálfir séu tilbúnir að fara frá föstudagssteikinni sinni til að bjarga föstu fólki eða binda niður fjúkandi þakplötur, - það minnsta sem þeir gætu gert er  að lána bílana sína...

 eða hvað, - - Það er í raun ekki mikil pæling hjá þeissum aðilum að vera til gagns í þjóðfélaginu, - svo ég held að þið sem eruð í vanda þurfið enn og aftur að stóla á okkar góðu björgunarsveitir til að redda málunum..

 kv.
M

Beiðnir um aðstoð farnar að berast björgunarsveitum

Hverskonar vitleysa er eiginlega í gangi.

Ef það er lokað þá er lokað og nema þér sé það því nauðsynlegra að komast yfir reyndu þá að fá Lögreglu eða björgunarsveit til að aka þér.  Það er allt of mikið af ökumönnum sem taka sénsinn með eigin lífi og leiðinni lífi annarra.  Þannig að ef það er lokað þá er bara lokað.  Það er ekki verið að loka þessum leiðum bara afþví að heldur af vel ígrunduðu máli.

 

kv M

Ætla yfir þrátt fyrir lokun

Og svo fer að rigna

það er kannski eins gott að það fari að rigna því fólk virðist vera búið að gleyma hvernig á að keyra í snjó og hálku.   Á svona stundum finnst mér jafnvel eins og frumskógarlögmálið ráði í umferðinni en ekki umferðarlög.

Ófærð varla meiri frá árinu 2000

Stöð 2, Vinir og Kaupþing.

Fyrst þeir á annað borð eru að endursýna Vini, afhverju er þá ekki hægt að sýna seríuna í réttri röð ?  Sama með Simpsons, það eru til óteljandi Simpsons þættir en Stöð 2 er samt alltaf að sýna sömu þættina með ákveðnu millibili.  Svo borgar maður formúgu fyrir áskriftina.  Það er þá lágmark að vera ekki með endalausar endursýningar.

 

Svo er það Kaupþing.  Bara það að sjá auglýsingarnar með John Cleese kemur mér í vont skap.   Þetta hlýtur að hafa verið rándýrt að gera þær og svo þegar á bætist að bankastjórinn fær tugi milljóna í laun.  Ég meina það er bara verið að gefa skít í almenning og sér í lagi viðskiptavini Kaupþings.  Svo eru íslendingar með met í yfirdrátti sem er með glæpsamlega háum vöxtum, nota bene þeir eru reynar háir í öllum bönkunum.  En samt hvernig væri  að minnka auglýsingakostnað og laun stjórnenda og lækka vexti og þjónustugjöld í leiðinni.

 

Kv M

Konur og klósett

Afhverju eru konurnar í klósetthreinsiefna auglýsingunum alltaf með andlitið ofan í klósettinu.  Ekki hefði ég geð í mér að sitja fyrir framan klósettið með nefið á brúninni og vera að spá í hvort klósettsteinninn væri að gera gagn eða ekki..

 

Kv M

 

Hagkaup og reykingar.

Hellú,  þannig er mál með vexti að ég fer stundum í Hagkaup í Smáralindinni, ágætis búð og allt það en það sem fer ógurlega í taugarnar á mér er fólkið sem stendur fyrir framan innganginn að Hagkaup og reykir eins og það eigi lífið að leysa.  Mér finnst ákaflega leiðinlegt að þurfa að fara með litlu mörgæsina í gegnum reykingarfýluna.  Er þetta fólk svona illa haldið að það þurfi að reykja um leið og það er komið út.  Ég verð að segja að ég hef ekki orðið vör við þetta í Kringlunni.  Ég hef hugsað mér að senda póst á viðkomandi Hagkaupsverslun og sjá hvað þeir hafa um þetta að segja.

 kv M

Mörgæsapabbi í Danaveldi.

Við sendum þér kveðjur og óskum þér góðs gengis í HogM og kannski Rosendahl, hver veit.

 

Kellan og krílið

Byrja aftur

Jæja pingu ætlar að byrja aftur að blogga.  Vonandi gengur það betur í þetta skipti.

Afhverju þurfa börn að vera svona hávær og ekki nokkur leið að fá þau til að hafa lægra.  Ég er orðinn hálf heyrnarlaus á því að umgangast 21 stykkii af börnum alla virka daga.  Og svo má aldrei gera neitt til að draga úr hávaðanum - kostar of mikið - mörgæs ætti kannski að byðja Ólaf F um að splæsa í hljóðvarnir í leikskólum.. Alla vegana er það ljóst að á þeim launum sem ég fæ í leikskóla er ekki þess virði að missa heyrnina fyrir.

Jæja ætla að fara og tækla litla mörgæsarungann minn. 

 

kv pingu